Microsoft Office Home 2024 – მუდმივი ლიცენზია

რას იღებთ

Office Home 2024-ის ციფრული კოდი — 25-ნიშნა გასაღები (ფორმატით XXXXX-XXXXX-XXXXX-XXXXX-XXXXX), რომელიც თქვენს Microsoft-ის ანგარიშს უკავშირდება. ლიცენზია მუდმივია: იხდით ერთხელ, ყოველთვიური ან ყოველწლიური გადასახადის გარეშე.

• ლიცენზიის ტიპი: მუდმივი (ერთჯერადი შეძენა)
• მოწყობილობა: 1 კომპიუტერი — Windows PC ან Mac
• მომხმარებელი: 1
• გამოყენება: პირადი, საოჯახო და სასწავლო (არაკომერციული)
• რეგიონი: საქართველო
• მიწოდება: ციფრული, ფიზიკური ყუთის და დისკის გარეშე

საქართველოს რეგიონი

ლიცენზია განკუთვნილია საქართველოს რეგიონისთვის — მისი აქტივაცია და გამოყენება გათვალისწინებულია საქართველოში. სხვა ქვეყანაში აქტივაციისას Microsoft-მა შეიძლება კოდი არ მიიღოს. ჩვენი ყველა ლიცენზია საქართველოს რეგიონისთვისაა.

რა შედის

• Word — დოკუმენტები, ხელშეკრულებები, წერილები
• Excel — ცხრილები, ბიუჯეტი, გამოთვლები, დიაგრამები
• PowerPoint — პრეზენტაციები
• OneNote — ციფრული ჩანაწერები

Home თუ Home and Business?

Office Home 2024 განკუთვნილია პირადი, საოჯახო და სასწავლო გამოყენებისთვის და არ მოიცავს Outlook-ის კლასიკურ აპლიკაციას (ელფოსტისთვის შეგიძლიათ გამოიყენოთ Windows-ში ჩაშენებული უფასო Outlook ან ბრაუზერი). თუ Office კომპანიაში ან სამუშაოსთვის გჭირდებათ, ან გინდათ Outlook-ის სრული ვერსია, აირჩიეთ Office Home and Business 2024 — ის კომერციულ გამოყენებას უშვებს.

მუდმივი ლიცენზია თუ Microsoft 365?

• Office Home 2024 — იხდით ერთხელ, აპლიკაციები სამუდამოდ თქვენია ერთ კომპიუტერზე. იღებს უსაფრთხოების განახლებებს, მაგრამ ახალ ფუნქციებს — არა.
• Microsoft 365 (გამოწერა) — ყოველწლიური გადახდა, ყოველთვის უახლესი ვერსია, მრავალ მოწყობილობაზე, OneDrive-ის 1 TB და (Business-ში) ელფოსტა დომენზე.

Office 2024 არ მოიცავს Microsoft 365-ის ღრუბლოვან სერვისებს — OneDrive-ის 1 TB-ს, Teams-ის ბიზნეს ფუნქციებს და Copilot-ს.

მხარდაჭერის ვადა

Microsoft Office 2024-ს უსაფრთხოების განახლებებით 2029 წლის ოქტომბრამდე უზრუნველყოფს. ამის შემდეგაც Office კვლავ იმუშავებს, უბრალოდ ახალ განახლებებს აღარ მიიღებს.

სისტემური მოთხოვნები

• Windows: Windows 10 ან Windows 11, 1.1 GHz ან მეტი 2-ბირთვიანი პროცესორი, 4 GB ოპერატიული მეხსიერება, 4 GB თავისუფალი ადგილი დისკზე
• Mac: macOS-ის ბოლო სამიდან ერთ-ერთი ვერსია, Intel ან Apple Silicon (M1 და ახალი) პროცესორი, 4 GB ოპერატიული მეხსიერება, 10 GB თავისუფალი ადგილი
• ეკრანი: 1280 × 768 ან მეტი
• ინტერნეტი და Microsoft-ის ანგარიში — ინსტალაციისა და აქტივაციისთვის

როგორ მიიღებთ ლიცენზიას

• გადახდის დადასტურების შემდეგ ლიცენზიის კოდი ჩნდება თქვენს ანგარიშში: ჩემი პროფილი → ჩემი ლიცენზიები.
• ელფოსტაზე მოგივათ შეტყობინება, რომ ლიცენზია მზად არის.
• სურვილის შემთხვევაში, „ჩემ ლიცენზიებში“ ღილაკით „ელფოსტაზე გაგზავნა“ კოდს საკუთარ ელფოსტაზეც მიიღებთ.

აქტივაცია და დაყენება

1. თუ კომპიუტერზე Office-ის ძველი ვერსია ან Microsoft 365-ის საცდელი ვერსია დგას, ჯერ წაშალეთ (Settings → Apps).
2. გახსენით Microsoft-ის ოფიციალური გვერდი microsoft365.com/setup.
3. შედით თქვენი Microsoft-ის ანგარიშით (ან შექმენით ახალი) — ლიცენზია სამუდამოდ ამ ანგარიშს მიება.
4. შეიყვანეთ 25-ნიშნა კოდი „ჩემი ლიცენზიებიდან“, აირჩიეთ ქვეყანა და ენა და დაადასტურეთ.
5. გახსენით account.microsoft.com/services, იპოვეთ Office Home 2024 და დააჭირეთ „Install“.
6. გაუშვით ჩამოტვირთული ფაილი და დაელოდეთ ინსტალაციის დასრულებას.
7. გახსენით Word ან Excel და შედით იმავე Microsoft-ის ანგარიშით — Office ავტომატურად გააქტიურდება.

ხშირი კითხვები

შემიძლია Office-ის ხელახლა დაყენება?

დიახ. ლიცენზია თქვენს Microsoft-ის ანგარიშზეა მიბმული: Windows-ის ხელახლა დაყენების ან კომპიუტერის შეცვლისას Office-ს account.microsoft.com/services-დან თავიდან დააყენებთ — ერთდროულად ერთ კომპიუტერზე (ახალზე დაყენებამდე ძველიდან წაშალეთ).

მუშაობს Mac-ზე?

დიახ, ერთი და იგივე კოდი მუშაობს Windows-ზეც და Mac-ზეც — დაყენებისას აირჩიეთ საჭირო მოწყობილობა. ლიცენზია ერთ კომპიუტერზეა.

შეიძლება კომპანიაში გამოყენება?

არა. Office Home 2024 მხოლოდ პირადი, საოჯახო და სასწავლო გამოყენებისთვისაა. სამუშაოსთვის და კომპანიისთვის აირჩიეთ Office Home and Business 2024 ან Microsoft 365 Business Standard.

შესაძლებელია თანხის დაბრუნება?

ციფრული პროდუქტის კოდის მიღების შემდეგ დაბრუნების უფლება აღარ მოქმედებს (იხ. დაბრუნების პოლიტიკა). შეკვეთამდე დარწმუნდით, რომ კომპიუტერი სისტემურ მოთხოვნებს აკმაყოფილებს.