Windows 11 Pro-Retail ლიცენზია

რას იღებთ

Windows 11 Pro Retail ციფრული ლიცენზია — 25-ნიშნა პროდუქტის გასაღები (ფორმატით XXXXX-XXXXX-XXXXX-XXXXX-XXXXX), რომლითაც Windows 11 Pro-ს აქტივაცია ხდება Microsoft-ის ოფიციალური სერვერით. ლიცენზია მუდმივია: გამოწერა ან ყოველწლიური გადახდა არ არის საჭირო, Windows-ის განახლებები კი უფასოდ მოდის Windows Update-ით.

• ლიცენზიის ტიპი: Retail — სხვა კომპიუტერზე გადატანის შესაძლებლობით
• ვადა: მუდმივი
• ვერსია: Windows 11 Pro, 64-ბიტიანი
• რეგიონი: საქართველო
• მიწოდება: ციფრული, ფიზიკური ყუთის და დისკის გარეშე

საქართველოს რეგიონი

ლიცენზია განკუთვნილია საქართველოს რეგიონისთვის — მისი აქტივაცია და გამოყენება გათვალისწინებულია საქართველოში. სხვა ქვეყანაში აქტივაციისას Microsoft-მა შეიძლება კოდი არ მიიღოს. ჩვენი ყველა ლიცენზია საქართველოს რეგიონისთვისაა.

Windows 11 Pro-ს შესაძლებლობები

Pro ვერსია მოიცავს Home-ის ყველა ფუნქციას და დამატებით:

• BitLocker — დისკის სრული დაშიფვრა: კომპიუტერის დაკარგვის ან მოპარვის შემთხვევაში მონაცემები დაცულია
• Remote Desktop — კომპიუტერთან დისტანციური დაკავშირება სხვა მოწყობილობიდან
• Hyper-V — ვირტუალური მანქანების შექმნა და გაშვება
• Windows Sandbox — იზოლირებული გარემო უცნობი პროგრამების უსაფრთხოდ გასაშვებად
• დომენთან და Microsoft Entra ID-სთან მიერთება — კომპანიის ქსელში და ცენტრალიზებულ მართვაში ჩართვა
• ჯგუფური პოლიტიკა (Group Policy) — სისტემის პარამეტრების დეტალური მართვა
• Windows Update for Business — განახლებების დროის მართვა
• მაქსიმალური ოპერატიული მეხსიერება — 2 TB (Home-ში 128 GB)

Retail ლიცენზია: გადატანა სხვა კომპიუტერზე

Retail ლიცენზია OEM-ისგან იმით განსხვავდება, რომ ერთ კომპიუტერზე არ არის სამუდამოდ მიბმული.

• ლიცენზია შეგიძლიათ გადაიტანოთ ახალ ან სხვა კომპიუტერზე — მაგალითად, კომპიუტერის შეცვლისას.
• ერთდროულად ლიცენზია მხოლოდ ერთ კომპიუტერზე მუშაობს: გადატანამდე ძველ კომპიუტერზე Windows უნდა წაიშალოს ან სხვა გასაღებით გააქტიურდეს.
• დედაპლატის (motherboard) შეცვლის შემდეგ ლიცენზიის ხელახლა გააქტიურება შესაძლებელია.
• რეკომენდებულია ლიცენზიის Microsoft-ის ანგარიშთან დაკავშირება: Settings → System → Activation. ასე აპარატურის შეცვლის შემდეგ აქტივაციის აღდგენა „Troubleshoot“ ღილაკით ხდება.
• სწორედ ამიტომ არის Retail ლიცენზია OEM-ზე ძვირი — ის თქვენთან რჩება კომპიუტერის შეცვლის შემდეგაც.

მინიმალური სისტემური მოთხოვნები

• პროცესორი: 1 GHz ან მეტი, 2 ან მეტი ბირთვი, 64-ბიტიანი, Windows 11-თან თავსებადი
• ოპერატიული მეხსიერება: 4 GB
• მეხსიერება (დისკი): 64 GB
• სისტემის firmware: UEFI, Secure Boot
• TPM: ვერსია 2.0
• ვიდეობარათი: DirectX 12 და WDDM 2.0 მხარდაჭერით
• ეკრანი: 720p, 9 ინჩზე მეტი დიაგონალით
• ინტერნეტი: საჭიროა დაყენებისა და აქტივაციისთვის

თავსებადობის შესამოწმებლად გამოიყენეთ Microsoft-ის უფასო პროგრამა „PC Health Check“.

როგორ მიიღებთ ლიცენზიას

• გადახდის დადასტურების შემდეგ ლიცენზიის კოდი ჩნდება თქვენს ანგარიშში: ჩემი პროფილი → ჩემი ლიცენზიები.
• ელფოსტაზე მოგივათ შეტყობინება, რომ ლიცენზია მზად არის.
• სურვილის შემთხვევაში, „ჩემ ლიცენზიებში“ ღილაკით „ელფოსტაზე გაგზავნა“ კოდს საკუთარ ელფოსტაზეც მიიღებთ.

დაყენების ინსტრუქცია (ახალი ინსტალაცია)

1. შეამოწმეთ, აკმაყოფილებს თუ არა კომპიუტერი სისტემურ მოთხოვნებს (PC Health Check).
2. შეინახეთ მნიშვნელოვანი ფაილები — სუფთა ინსტალაცია დისკს შლის.
3. გახსენით Microsoft-ის ოფიციალური გვერდი microsoft.com/software-download/windows11 და ჩამოტვირთეთ „Media Creation Tool“.
4. მინიმუმ 8 GB-იანი USB მეხსიერებით შექმენით ჩამტვირთავი ფლეშკა (პროგრამა ამას თავად გააკეთებს).
5. ჩადეთ ფლეშკა კომპიუტერში, ჩართვისას გახსენით ჩატვირთვის მენიუ (ხშირად F12, F11, F8 ან Esc) და აირჩიეთ USB.
6. ინსტალაციის დროს, როცა პროდუქტის გასაღებს მოგთხოვთ, შეიყვანეთ თქვენი კოდი — ან აირჩიეთ „I don't have a product key“ და კოდი შემდეგ შეიყვანეთ.
7. ვერსიის არჩევისას მონიშნეთ Windows 11 Pro.
8. დაასრულეთ ინსტალაცია ეკრანზე გამოსული ინსტრუქციით და დაუკავშირდით ინტერნეტს.

აქტივაცია უკვე დაყენებულ Windows 11-ზე

1. გახსენით: Settings (პარამეტრები) → System (სისტემა) → Activation (აქტივაცია).
2. დააჭირეთ „Change product key“ (პროდუქტის გასაღების შეცვლა).
3. შეიყვანეთ 25-ნიშნა კოდი „ჩემი ლიცენზიებიდან“ და დაადასტურეთ.
4. თუ კომპიუტერზე Windows 11 Home დგას, Pro-ს კოდი მას Pro ვერსიაზე გადაიყვანს — ფაილები და პროგრამები რჩება. პროცესს რამდენიმე წუთი და გადატვირთვა სჭირდება.
5. აქტივაციის შემდეგ იმავე გვერდზე ეწერება „Windows is activated“.

ხშირი კითხვები

შემიძლია Windows 10-დან გადასვლა?

დიახ, თუ კომპიუტერი Windows 11-ის მოთხოვნებს აკმაყოფილებს. Windows 10-ის ფაილების შენარჩუნებით განახლებაც შეიძლება და სუფთა ინსტალაციაც.

რა ვქნა, თუ აქტივაცია ვერ მოხერხდა?

შეამოწმეთ ინტერნეტ კავშირი, დარწმუნდით, რომ დაყენებულია Windows 11 Pro (და არა Home ან სხვა ვერსია) და კოდი სწორად არის შეყვანილი. თუ პრობლემა რჩება, დაგვიკავშირდით — დაგეხმარებით დაყენებასა და აქტივაციაში.

როგორ გადავიტანო ლიცენზია ახალ კომპიუტერზე?

ძველ კომპიუტერზე Windows წაშალეთ (ან სხვა გასაღებით გაააქტიურეთ), ახალზე დააყენეთ Windows 11 Pro და შეიყვანეთ იგივე კოდი: Settings → System → Activation → Change product key. თუ აქტივაცია ვერ მოხერხდა, გამოიყენეთ „Troubleshoot“ ან დაგვიკავშირდით.

გამოიყენება ბიზნესისთვის?

დიახ, Windows 11 Pro გამოდგება როგორც პირადი, ისე ბიზნეს გამოყენებისთვის. კომპანიისთვის შესაძლებელია ინვოისით გადახდა და საგადასახადო ანგარიშ-ფაქტურა.

შესაძლებელია თანხის დაბრუნება?

ციფრული პროდუქტის კოდის მიღების შემდეგ დაბრუნების უფლება აღარ მოქმედებს (იხ. დაბრუნების პოლიტიკა). შეკვეთამდე დარწმუნდით, რომ კომპიუტერი სისტემურ მოთხოვნებს აკმაყოფილებს.